Бул тууралуу өнөр жай, энергетика жана отун ресурстары министри Сапарбек Балкыбеков бүгүн өкмөттүн отун-энергетика боюнча комитетинин отурумунда билдирди. Анын айтымында, өткөн жылы энергетикадагы жоготууларды 42 пайыздан отуз алты пайызга чейин азайтууга мүмкүн болгон. 2025-жылы бул көрсөткүч он бир пайызды түзөөрү күтүлүүдө. Министрдин айтымында, ушул тапта Кыргызстанда энергетиканы пайдалануунун көрсөткүчтөрү өтө бийик. “Учурда энергокубатты үнөмдөө боюнча мыйзамды иштеп чыгууга мезгил жетти”, - деди Балкыбеков. (AiJu)