Бириккен Улуттар Уюмунун баш катчысы азык-түлүктүн кымбатташы жаңы көйгөйлөрдү жаратып, дүйнөдөгү экономикалык өсүүгө кедергисин тийгизет деп эскертти. Пан Ги Мун Гананын борборунда өткөн конференцияда айтканга караганда, азык түлүк тартышынан коргонуу үчүн айрым өлкөлөр күрүч менен унду экспорттоого тыйуу салууда. Бул эл аралык сооданын ыраатын бузуп, каатчылыкты дагы күчөтөт.Кризисти жаңылыш башкаруу экономикалык өсүүгө, социалдык өнүгүүгө, атүгүл дүйнөдөгү саясый кырдаалга терс таасир берет.
