Кыргызстандын Коопсуздук кеңешинин катчысы Токон Мамытовдун “Азаттык” үналгысына билдирүүсү боюнча, 29-апрелде Тажикстандын Исфара шаарында боло турган жолугушууга Кыргызстан менен Тажикстандын укук коргоо орган жетекчилери, Коопсуздук Кеңеш катчылары, Согдий жана Баткен облустары менен чектеш район жетекчилери катышат. Анда чегара, жер, суу жана жергиликтүү талаш маселелер талкууланат жана кыргыз тарап чектеш аймактардагы талаш маселелер чыкса аларды жергиликтүү деңгээлдеги биргелешкен комиссия аркылуу чечүү сунушун айтат. (BD)
