Мындай маселени депутат Канттагы окуя боюнча көтөрдү. Улукбек Ормонов Башкы прокуратурага кайрылып, мындай маселелерди иликтеп чыгууга чакырды. Анын айтымында, 2005-жылы орус жараны Рудаков эки кыргыз атуулун атып, дипломатиялык автоунаа менен Кыргызстандан чыгарылып кеткен. Жакында эле Уланский деген орус атуулу газ тапанчасы менен кыргыз атуулун Бишкекте аткан. Андан кийин Канттагы окуя болду. Биздин МАИ кызматкерлери эч кандай белгиси жок, жол эрежесин бузуу менен бараткан автоунааны токтотуп, тартипке салууга аракет жасаган. Бул жерде маселе чет өлкөлүк атуулдардын кыргыз мыйзамдарын сыйлоосу жөнүндө баратат. Башкы прокуратура бул маселелерди иликтеп чыгууга тийиш.(AiT)
