Мыйзамда өлкөдөгү телеканалдардын көрсөтүүлөрүнүн кеминде 50% телеканалдын автордук программалары болуп, алар мамлекеттик, же расмий тилде болууга тийиштиги белгиленген. Депутат Кабай Карабеков долбоорду кескин сынга алып, мыйзам кабыл алынса КТР гана аны аткарууга жөндөмдүү болуп, калган телеканалдар жабылууга аргасыз болот деп белгиледи. Бирок депутаттар көпчүлүк добуш менен мыйзамды кабыл алды. Өкмөттүк эмес уюмдардын өкүлдөрү мыйзамды сынга алып, ал коомдук телекөрсөтүүнү түзүу идеясын жокко чыгараарын белгилешүүдө.(AiT)
