Мындай пикирин билдирген “Ата Мекен” партиясынын төрагасы Өмүрбек Текебаев Ишенбай Кадырбековдун камакка алынышы башка саясатчыларга жасалган иш чара, деп белгиледи. Анын айтуусунда бийлик оппозициялык саясатчылардын жакын туугандарын текшерип, өздөрүн куугунтукка алып, саясий кысым көрсөтүүдө. “Ишенбай Кадырбеков коркунучтуу кылмышкер эмес, ага карата мындай радикалдуу, кууп келип камаган чара колдонулбашы керек эле. Энергетика тармагын талкалап, мамлекеттин бүтүндүгүнө шек келтирген адамдар бүгүн ээн-эркин журушөт,” деген Өмүрбек Текебаев бийлик муну менен оппозицияны алсыратууга аракет жасап жатат, дейт. (ZKo)
