Түркмөн президенти Гурбангули Бердимухаммедов ооган мамлекет башчысы Хамид Карзай менен сүйлөшүү үчүн бүгүн Кабулга келди

Карзайдын басма сөз катчысы билдиргенине караганда, эки лидер 4 контрактка кол коюшмакчы. Сөз түркмөн тараптын Ооганстандагы газ жана мунай кендерин изилдөө, транспорт, электрэнергия, айыл-чарба тармагындагы келишимдер жөнүндө жүрүүдө.
Өткөн аптада Исламабадда түркмөн газын Ооганстан аркылуу Пакистан жана Индияга жеткире турган газ кууру боюнча дагы бир документке кол коюлган.