Кабулда түркмөн жана ооган министрлери электр кубаты, транспорт жана маданий маселелери боюнча келишимдерге жетишти. Ага кошумча эки өлкө президенттери Гурбангулы Бердимухаммедов менен Хамид Карзай эки тараптын мамилесин бекемдөөчү макулдашууга кол коюшту. Эки өлкөнүн расмий өкүлдөрү билдиргендей, эки лидер түркмөн газын Ооганстан аркылуу Пакистанга жана Индияга жеткирчү газ куурун куруу демилгесин талкуулашты.
