Бүгүн Каркыра жайлоосунун бир бөлүгү, төрт пансионаттын Казакстанга өткөнүнө каршы чыгышкан жөө жүрүштүн катышуучуларынын Түп районунда токмоктолушуна байланыштуу өткөн маалымат жыйында сөз сүйлөгөн укук коргоочу Т.Исмаилова, Казакстан сес көрсөтүп Кыргызстанга басым көрсөтпөшү керектигин, авторитардык Казакстан согуш ачып ийет деп коркуу акылсыздык экендигин, ошол себептүү Кыргызстан өз жерин эч качан бербеши керектигин айтты. "Казакстан, Орусия сыяктуу ШКУга кирген өлкөлөр авторитардык мамлекеттер. Демократиялык жол тандап алалы десек Кыргызстан бул уюмга кирбей деле койсо болот",- дейт ал. (ESu)
