“Тынч жыйынга чогулуу укугу: жаңы демилгелер жана анын натыйжалары” деп аталган тегерек үстөлдөгү бул талкууну Бишкек пресс-клубу уюштуруп жатат. 8-майга белгиленип жаткан бул жыйынга өкмөт мүчөлөрү, депутаттар жана укук коргоочулар чакырылган. Укук коргоочулар өлкөдө соңку кезде митинг-пикеттерди өткөрүүгө бир катар чектөөлөр киргизилип жатканына тынчсызданууда. Маселен Бишкек шаар кеңеши мындай жыйындарды атайын жайларда өткөрүү боюнча токтоп кабыл алганы белгилүү. Ошол эле учурда депутат Исхак Масалиевдин демилгеси менен жарандардын тынч жыйындарды, ар кандай жүрүштөрдү өткөрүүсүнө бир катар чектөөлөрдү киргизген мыйзам долбоору даярдалып, аны парламенттин тиешелүү комитети биринчи окулушунда жактырган.(SM)
