Төрага Адахан Мадумаров баштаган депутаттык топ Токтогул районуна иш сапары менен жөнөп кеткенин парламенттин маалымат кызматы кабарлады. Бул топ Камбарата-2 ГЭСинде жүрүп жаткан курулуш иштери жана Токтогул суу сактагычындагы абал менен таанышат. Ошондой эле алар эмгек жамааттары жана жергиликтүү тургундар менен жолугушууларды өткөрөт. Депутаттык топту өнөр жай, энергетика жана отун ресурстары министри Сапарбек Балкыбеков, Жалалабат облусунун губернатору Кошбай Масиров жана башка тиешелүү жетекчилер коштоп жүрмөкчү.(SM)
