Лондондо Ирандын өзөктүк программасы талкууланат

Бүгүн Лондондо 6 өлкөнүн – АКШ, Орусия, Улуу Британия, Франция, Германия жана Кытайдын тышкы иштер министрлери Ирандын өзөктүк программасына байланышкан маселени талкуулашат. АКШ мамлекеттик катчысы Кондализа Райс жолугушуунун алдында бул программанын тынчтык максатын көздөөрү шектүү экенин дагы бир жолу белгиледи. Анын айтымында, дүйнөлүк державалар бул маселеде талаштуу жагдайларга түшүндүрмө берүү боюнча Иранга жаңы сунуш менен кайрылышы мүмкүн. АКШ мамлекеттик катчысы бирок Тегеран мындай сунушту кабыл алаарынан күмөн санаарын белгиледи.