Мындай пикирин Кыргызстан социал-демократтары партиясынын координациялык кеңешинин мүчөсү, ЖК депутаты Бакыт Бешимов “Азаттыкка” билдирди. Он беш жылдын ичинде 5-6 жолу өзгөртүүгө дуушар болгон Башмыйзамды бийлик да, оппозиция да оюнчук кылып алышты, дейт депутат. “Кыргызстанда укуктук мамлекет жок, анткени мыйзамдар иштебейт. Азыркы Конституция турмушка карама-каршы турат, ал –авторитардык өлкөнүн Башмыйзамы,” деп белгилеген Бакыт Бешимов Башмыйзам коомдогу бир топ үчүн гана эмес, жалпы эл үчүн кызмат кылууга тийиштигин бекемдеди. (ZKo)