Далай Ламанын өкүлдөрү Кытайда сүйлөшүү жүргүзүп жатат

Тибеттин сүргүндөгү руханий жол башчысы жиберген элчилер Кытайдын Шенжең шаарында Бээжин бийликтеринин өкүлдөрү менен жолугушууда. Бул - март айында Тибетте Кытайга каршы демонстрациялар башталгандан берки алгачкы сүйлөшүү. Демонстрациялар күч менен басылгандан кийин дүйнөдө августта Бээжинде өтө турган Олимпиада оюндарын бойкоттоо чакырыктары күч алды.