Алгачкы маалыматтарда тропикалык капсалаңда 240тан ашуун киши каза тапканы айтылган эле. Мамлекеттик сыналгы кабарлагандай, шамал саатына 190 чакырым ылдамдыкта согуп, "Наргиз" циклонунан миңдеген үйлөр урап, электр байланыштары үзүлдү. Жолдор бузулду. Бирманын аскердик өкмөтү беш аймакты, анын ичинде өлкөдөгү негизги шаар болгон Янгонду "кыйроо аймагы" деп жарыялады. “Наргиз” циклону андан бери Таиландды көздөй бет алды, бирок анын күчү басаңдоодо.
