“Айыл чарбасына инвестиция жана кызмат” деп аталган долбоор беш жылга созулуп, ал Айыл, суу чарба жана кайра иштетүү министрлиги менен АРИС тарабынан ишке ашырылат. Каражат жайыттарды жакшыртууга жумшалат. Грант түрүндө бөлүнгөн 9 миллион долларга жергиликтүү дыйкандар, айыл тургундары 3 миллион доллар кошумчасын кошууга тийиш. Мына ушул эле долбоорго Швейцария 2 миллион доллар грант бөлүп жатат. Долбоорду аткаруу быйыл жайында башталат. Бул тууралуу Дүйнөлүк банктын Кыргызстандагы бөлүмүнөн кабарлашты. (AiT)
