“Курманжан датка” корунун демилгесинде Өрнөк айылында кыргыз тарыхында аты калган тогуз инсандын (Барсбек, Жусуп Баласагын, Махмуд Кашгари, Мухаммед кыргыз, Ормон хан, Алымбек датка, Тайлак баатыр, Курманжан датка, Шабдан баатыр) айкели тургузулат. Мындан тышкары эгемен Кыргызстан тарыхына чейинки эстеликтерден турган музей ачылат. Бул үчүн жер маселеси, уюштуруу иштери жөнгө салынып бүткөнүн аталган кордун жетекчиси Жылдыз Жолдошева билдирди. 18 миллион АКШ долларына тете бааланып жаткан бул долбоор 3 жыл ичинде толук ишке кирет деп пландалууда. Учурда ага Орусиядан жана Казакстандан инвесторлорду тартуу боюнча сүйлөшүүлөр жүрүп жатат.(EK)
