Түркмөн өкмөтү жарыялагандай, президент Гурбангулы Бердимухаммедов 19-20-майда расмий сапар менен Азербайжанга барат. 1996-жылдан бери түркмөн президенти Бакыга келген эмес. Бердимухаммедов Азербайжан президенти Илхам Алиев менен болгон жолугушууда эки өлкөнүн ортосундагы байланыштар, өзгөчө түркмөн газы Каспий деңизи аркылуу Батышка экспорттоо маселесин сүйлөшөт.