“Андаш” кени иштетиле турган Талас районунун Көпүрөбазар айылындагы “Айдынкөл” деп аталган бейөкмөт коомдук бирикменин жетекчиси Мамбетакул Оморбеков бүгүн “Азаттыкка” аталган кендин жабылышын талап кылып, 1200 кишинин колу коюлган катты Кыргызстандын президенти, өкмөт башчы жана Жогорку Кеңешке жөнөткөндөрүн билдирди. Анын айтымында, жакында жалпы облустук деңгээлде кендер тууралуу сурамжылоо жүргүзүү көздөшүүдө. Бүгүнкү учурда Талас өрөөнү боюнча 40тан ашык ар кандай кендерди иштетүү компаниялары өкмөттө катталган. (UA)
