17:04 “Бета Сторес” соода борборуна бомба коюлду деген маалымат тастыкталган жок

Ички иштер министрлигинин маалымат кызматынын билдиргенине караганда, учурда Ички иштер министрлиги Коопсуздук кызматы менен бирге текшерүү иштерин улантууда. Бишкектеги ири соода борборуна бомба коюлгандыгы тууралуу маалыматты белгисиз адам телефон аркылуу 102 кызматына кабарлаган.

Жыл башынан бери “телефон террору” деген ат менен белгилүү мындай жалган маалымат ИИМге үч ирет берилип, алардын бири да далилденген эмес. (BuS)