Кыргызстандын айрым эмгек ардагерлери Орусиянын премьер-министри Владимир Путинге арыз менен кайрыла турган болушту. Ага Орусиянын Кыргызстандагы элчиси Валентин Власовдун ардагерлердин өтүнүчүнө көңүл кош мамиле кылуусу себепчи болгон. Бул тууралуу бүгүн маалымат жыйынында Эмгек ардагерлери коомдук бирикмесинин жетекчиси Валентина Житинева билдирди. Анын айтымында, эмгек ардагерлери алардын тизмеси жазылган кампа түзүүгө жардам берүү үчүн Орусиянын Кыргызстандагы элчисине кайрылышкан. Бирок эч кандай жооп болбогондуктан алар Кыргызстанда жашаган мекендештеринин тагдырына күйбөгөнү үчүн мындай элчи бул жакта иштебеши керектиги жазылган арызды В.Путиндин атына жолдомой болушту. (IJz)
