Май айында Балдарды коргоо күнүн утурлай өспүрүмдөр арасында мыкты сүрөт жана чыгармалар үчүн “Менин укуктарым жана милдеттерим” аттуу сынак өттү. Ага Биринчи май жана Свердлов райондорундагы орто мектептердин, Кароосуз калган балдарды калыбына келтирүү борборунун, Ош шаарынын мектеп окуучулары жана башка балдар уюмдарынын тарбиялануучулары катышты. EveryChild Эл аралык кайрымдуулук уюму жана Шаардык мэрия тарабынан өткөрүлгөн сынакка катышкан 100дөн ашуун сүрөттөр жана чыгармалардын арасынан мыктылары тандалып, алар жакында жарык көрө турган “Балдар укугунун алиппеси” аттуу китепчеге киргизилет. (ZMa)
