Бүгүн Кыргыз Республикасынын Президенти Курманбек Бакиев Президенттик Админстрациянын жетекчиси Медет Садыркулов баштаган бөлүм башчылары менен салтка айланган жумушчу кеңешме өткөрүп, кеңешменин жүрүшүндө ишемби күнү Баткен областынын Кадамжай районунда болуп өткөн жаратылыш кырсыктарына байланыштуу маселелер талкууланды. “Тилекке каршы нөшөрлөп жааган жаандан пайда болгон селдин кесепетинен эки киши каза болду. Өзгөчө кырдаалдар министрлиги тез аранын ичинде кеткен материалдык чыгымдардын өлчөмүн аныктап чыгышы керек. Табыгый кырсыктын кесепеттеринен жабыркагандарга мамлекет жардам берет”,- деп айтты К. Бакиев. Бул тууралуу президенттин басма сөз кызматы билдирет. (IJz)
