Учурда адам укугу менен сөз жана басма сөз эркиндиктери чектелип бараткандыгын “Де-факто”, “Алиби” гезиттеринин айланасындагы соттук териштирүүлөр жана “Сентябрь” сыналгысына жасалган тоскоолдуктар тастыктайт. “Ата мекен” партиясынын мүчөлөрү Бакыт Калпетов менен Өмүрбек Абдрахманов жана “Мен ишенбейм” акциясынын Түптөгү жөө жүрүштөгү катышуучуларына жасалган мамиле, Коомдук парламенттин мүчөсү Жылдыз Эргешованын үстүнөн 5 айдан бери жүргүзүлүп келаткан сурак иштери да буга кошумча далил боло алат. Мындай окуялар саясий куугунтук катары бааланат жана бул көрүнүштөргө бийлик күнөөлүү. Ушундай мазмундагы кайрылуу Кыргызстан калкына карата партиянын облустук бөлүмүнүн бүгүн өткөн чакан жыйынында кабыл алынды. (YA)
