Террочул топтун интернеттеги билдирүүсү “Аль-Каиданын” Ооганстандагы лидери Мустафа Абу аль-Язид тарабынан бекитилген. Анда жардыруу Дания гезиттеринде жарыяланган Мухаммед пайгамбардын карикатурасы үчүн өч алуу максатында жасалгандыгы айтылат. Аль-Каидачылардын айтымында, даниялыктар бул үчүн мусулмандардан кечирим сурашкан эмес. 2-июнда Пакистанда Даниянын элчилигинин алдында жардыруу болуп, кеминде 6 адам каза тапкан.
