Кыргызстандын президенти Курманбек Бакиев КМШ өлкө башчыларынын бейрасмий саммитине катышуу үчүн кечээ Санкт-Петербургга жөнөп кеткен. Президенттин басма сөз кызматынын жетекчиси Досалы Эсеналиевдин “Азаттыкка” маалымдашынча, жолугушууда тараптар Кыргызстан менен Орусиянын ортосундагы кызматташтыкты андан ары кеңейтүү жана тереңдетүү багыттары боюнча пикир алышат. Муну менен катар президент Бакиев Санкт-Петербургда өз ишин баштаган XII Эл аралык экономикалык форумга дагы катышат. (ZMa)
