Президенттин басма сөз кызматынын башчысы Досалы Эсеналиевден алынган маалыматка караганда, президент Курманбек Бакиев баштаган кыргыз делегациясы Санкт-Петербург шаарында өткөн эл аралык экономикалык форумдан түндө кайтып келди. Форумдан кийин президент Бакиев Орусиянын президенти Дмитрий Медведев менен жолугушкан. Анда Кыргызстан менен Орусиянын ортосунда ар тараптуу кызматташуу өнүгүп жаткандыгына, анын ичинде мурда талкууланып жүргөн долбоорлорду ишке ашырууга жакшы негиздер түзүлүп калгандыгына жакшы баа берилип, сооданын көлөмү 50 пайызга өскөндүгү белгиленген.(BD)
