Режиссердун айтымында Чыңгыз Айтматовдун өлүмү менен Кыргызстандын тоосу урады, көлү соолуду, өңү өчтү. “Бирок бул туурасында азыр жаштардын көбү аңдап түшүнө бербей турушат. Анткени жаштардын көбү жазуучунун дүйнөдөн кайтышын кадыресе көрүнүш катары кабылдашты. Аябай жаман болуп турам. Биздин маданий аң сезимибиздин деңгээли өтө начар экен”, - дейт режиссер. Нурбек Эген жакынкы күндөрү Айтматовду жоктоо күндөрүн киргизүүнү сунуш кылууда. Мындан тышкары, ал кыргыздын мекенчил жаштарын жазуучунун 80 жылдык мааракесин анын көзү жок болсо да, жогорку деңгээлде өткөрүүгө салым кошконго чакырат. (EK)
