Казак президенти Франциядагы расмий сапарынын алкагында президент Николя Саркози менен эки өлкө ортосундагы кызматташууну талкуулашат. Назарбаевди Казакстандагы ири үч өнөр жай компаниясынын аткаруучу жетекчилери коштоп жүрөт. Казак мамлекет башчысы француз жетекчилиги менен эки тараптуу кызматташтыкты андан аркы өнүктүрүү жолдорун талкууламакчы.
