Аталган банктын деректирлер башкармалыгы Глобалдык Азык-түлүк Кризисине Жооп программасынын алкагында Кыргызстанга 10 млн.доллар грант берүүнү ырастаганы кабарланды. Бул каражат өлкөдө айыл-чарба жана саламаттыкты сактоо жана социалдык колдоо тармактарына жумшалат, деп айтылат Дүйнөлүк банктын билдирүүсүндө. Максат – тамак-ашка баа асмандап турган чакта мамлекет кризистен тезирээк чыгып кетишине көмөк көрсөтүү. Жалпысынан 1,2 млрд.АКШ долларын түзгөн аталган программаны Дүйнөлүк банк 29-майдан тарта ишке киргизди. Бул сумманын 200 миллиону жакыр мамлекеттерге жардам иретинде берилмекчи. (TD)
