Талиптерге каршы ооган жана НАТО күчтөрү жүргүзүп жаткан операцияда 56 талип жоокери өлтүрүлүп, провинциянын айланасы тазаланганын Ооганстандын коргоо министрлигинин өкүлү Мохамад Захир Азими билдирди. Анын айтымында, операциянын акыркы этаптары Аргандап районунда жүрүп жатат. Аба күчтөрү колдогон Кандагар аймагындагы операцияга өкмөттүк жана НАТОнун бир миңдин тегерегиндеги аскери катышууда.
