Тажикан Калимбетова айылдык мектептерге жаш мугалимдерди тартуу максатында түрдүү долбоорлор иштеп жаткандыгын белгилеп, бирок “Жаш мугалимдердин депозити” долбоору өзүн анча актабай жаткандыгын билдирди. Анын айтуусунда ушул тапта каржы министрлиги тарабынан жаш мугалимдерге аз пайыздык үстөк менен насыя акча берүү боюнча программа иштелип жатат. “Насыя он-он беш жылдык мөөнөткө берилет. Акчаны алган мугалим ошол айылдык мектепте канча көп иштесе, ошончолук үстөк пайыз азайа берет, эгер биротоло ошол жерде калып иштөөнү көздөсө, анда үстөк пайыз биротоло кечилет,” дейт каржы министри Тажикан Калимбетова. (ZKo)
