Бул тууралуу БУУнун гуманитардык иштер боюнча мекемесинин башчысы Жон Холмс Ооганстанга барып келгенден кийин билдирип, аймакка гуманитардык жардам боюнча жаңы план керектигин белгиледи. Анын айтымында, Ооганстандагы гуманитардык колдоо жаатындагы абал кескин начарлап кеткен. Холмстун эсебинде, азык-түлүк жетишсиздигинин азабын тартып жаткан ооган элине жардам көрсөтүү үчүн кеминде 300-400 миллион доллар керек.
