ЮНЕСКОнун Дүйнөлүк мурас комитети ушу күндөрү Канаданын Квебек шаарында 32 сессиясын өткөрүп жатат. Ага маданият министри Султан Раев катышууда. Буга дейре Маданият министрлиги жана Улуттук илимдер академиясы Кыргызстандагы ыйык жерлердин бири Сулайман-Тоону дүйнөлүк мураска киргизүү сунушу менен ЮНЕСКОго кайрылган. Маданият министрлигинен маалымдашкандай бүгүн Дүйнөлүк мурас комитети Сулайман – Тоону дүйнөлүк маанидеги мураска киргизүү маселесин кароодо. Эгер комитет оңунан чечим чыгарса , Кыргызстан мындай жерди коргоого ала турган атайы милдеттенмелерди аткаруусу зарыл болот.(EK)
