Башкы редактор Чолпон Орозобекованын билдиришинче, адвокат Нина Зотова бүгүн Бишкек шаардык ички иштер башкармалыгына кайрылып, анын аракетинде кылмыш жоктугуна байланыштуу коюлган айыпты төгүнгө чыгаруу талабын коймокчу. Ошол эле учурда бул гезиттин тегерегиндеги ишке тиешеси бар делинип, кечээ 48 саатка камакка алынган укук коргоочу Качкын Булатовго байланыштуу тергөөчүнүн чечимин жокко чыгаруу үчүн шаардык прокуратурага кайрылаарын адвокат Акин Токталиев билдирүүдө. Качкын Булатов Замира Молдоева аттуу айымга макаласын оңдоп, гезитке чыгарууга жардам бергенин жана ал аялды табууга аракет кылаарын буга чейин билдирген болчу. (SM)
7:38 “Де-факто” гезитинин башкы редакторуна тагылган айып боюнча тиешелүү тараптарга кайрылуулар жасалат
