Орус лидери Дмитрий Медведев менен Азербайжандын президенти Илхам Алиевдин сүйлөшүүсү негизинен эки өлкө ортосундагы кызматташтыкты бекемдөө багытында болору күтүлүүдө. Бакыдан кийин Медведев Түркмөнстанга жол тартат. Ашгабатта орус лидери түркмөн президенти Гурбангулы Бердимухаммедов менен жолугушат андан соң орус президенти Казакстанды көздөй сапарын улайт. Мунайзат жана газга бай өлкөлөрдүн жетекчилери менен жолуккан соң, келээрки аптада Медведев Жапонияда өтө турган Чоң сегиздиктин саммитине катышмакчы.
