Саламаттыкты сактоо кызматкерлеринин кесиптик күнү облбийликте өттү. Аларды губернатор Кошбай Масиров куттуктап, эки кишиге президенттин, 29 адамга облбийликтин ардак грамотасын тапшырды. Тармактык министрликтен 50 кишиге сыйлык келген. Облус дарыгерлер менен 72 пайызга камсыздалган. Четки райондордо хирург, акушер-гинеколог, педиатр, анестезиолог өңдүү дарыгерлер жетишсиз. Маянанын аздыгынан айрым врачтар менен медициналык кызматкерлер Орусияга кеткен. (YA)
