“Жаңы Кыргызстан” парламенттик шайлоо алдында бийликчил “Ак жолдун” этегин кармаганы белгилүү. Эми анын кайра өзүнчө чыгып жатышынын ачык айтылбаган себептери бар. Серепчи Орозбек Молдалиевдин пикиринде президенттик шайлоо жакындап, учурда партиялык күчтөрдү топтоо зарылдыгы чыгып атат. Мындай шартта унутула баштаган партия жөн гана өзү тууралуу билдирип койгусу келди. “Биздин партиялардын адаты бар. Унутулуп бара жатканда ушинтип бир “биз барбыз” деп бакырып калышат. Андан көрө учурдун көйгөйлүү маселерине кайрылып, андан чыгуу жолдорун сунуштаган программаларын эл алдына алып чыкпайбы. Болбосо партиялардын негизги жумушу ошо да “, - дейт серепчи. (EK)
