Чоң Сегиздин лидерлери Япониянын Хоккайдо аралына келе башташты

7-9-июлда ал жердеги Тояко курортунда жылдык саммит өтмөкчү.
Биринчилерден болуп Японияга АКШ президенти Жорж Буш келди. Өкмөт башчы Ясуо Фукуда менен жолугушуудан кийин Буш “америкалык экономикада биз каалагандай күчтүү өсүш болбой жатат” деп моюнга алды.
Ал ошондой эле Бээжин Олимпиадасынын ачылыш аземине катышаарын билдирди.
Бул жолку саммит да нааразылык акциялары менен коштолууда. Полиция төрт кишини кармап кеткени кабарланууда.