Бүгүн күз-кыш айларына даярдык көрүү боюнча өкмөттүн жыйыны болду. Ага вице-премьер-министр Искендербек Айдаралиев жана өкмөт мүчөлөрү катышты. Жыйында социалдык-маданий мекемелердин кышка даярдыгы талкууланды. Жыйындын соңунда Айдаралиев керектүү министрликтерге мектеп, оорукана, интернаттарды өз убагында көмүр менен камсыз кылуу боюнча тапшырма берди. Өкмөттүн маалымат кызматы кабарлагандай, жакын арада социалдык мекемелерди жылытуу үчүн көмүрдү бир жерден сатып алууга өкмөттүн токтомунун долбоору даярдалат. (AiJu)
