Жогорку Кеңештин төрага орун басары Чолпон Баекова Германия парламентинин вице- президенти Отто Зольме менен 10 – июлда кездешет. Анда эки өлкө ортосундагы кызматташуу маселелери талкууга алынат. Бүгүнкү күнү Германия Кыргызстандын негизги экономикалык донорлорунун бири. Өткөн жылы сентябрда эки өлкө ортосунда өкмөт аралык сүйлөшүүлөр жүрүп, анын негизинде Германия Кыргызстан менен финансылык кызматташууну өнүктүрүү үчүн 2007-2008 жылдар үчүн 26,5 млн евро бөлмөй болгон. (EK)
