Ички иштер министрлигинин маалымат катчысы Бакыт Сейитовдун бүгүнкү “Азаттыкка” маалымдоосуна караганда, автоунаадан табылган сөөктөр МАИнин эки кызматкери, дарыгер-нарколог жана айдоочу экени аныкталып, учурда жеринде иликтөө иштери жүрүп жатат.Бул топ акыркы жолу байланышка 17-июнда таңга маал саат 3-4дө чыгып, андан кийин жоголуп кетишкен. Эрте менен саат сегизде төрт кишинин сөөгү жаткан автоунаа Ош шаарындагы Өзгөн көчөсүндө табылган. Алардын баары атып өлтүрүлгөн. Учурда ички иштер министринин орун басары Жеңиш Жакыпов баш болгон милиция кызматкерлери окуяны иликтөөдө.(AiT)
