Кытай Коммунисттик партиясынын борбордук комитетинин чакыруусу менен “Ак жол элдик партиясынын” төрага орун басары, Жогорку Кеңештин депутаты Автандил Арабаев баш болгон делегация Кытай Эл республикасында 16-июлдан 23-июлга чейин болушат. Бул тууралуу Тышкы иштер министрлигинин басма сөз кызматынан билдиришти. Маалыматка караганда кыргыз делегациясы Эл өкүлдөрүнүн жалпы кытайлык жыйынынын туруктуу комитетинин төрагасынын орун басары, Кытай Компартиясынын борбордук комитетинин эл аралык бөлүмүнүн башчысы жана анын орун басары, ШКУнун баш катчысы менен жолугушуп, эки тараптуу саясий, соода-экономикалык, саясий партиялар аралык, парламенттер аралык маселелер талкууланган. Сапардын алкагында кыргыз делегациясы Шанхай шаарына да барышат. (AJ)
