Мындай токтомго шаар башчысы Нариман Түлеев кечээ кол койду. Ага ылайык, муниципалдык жер үлүштөрүн пайдаланууга укук алган жарандар жерди пайдалануу укугун үчүнчү тарапка толугу менен же жарым жартылай мэриянын муниципалдык менчик башкармалыгынын уруксаты менен өткөрүп бере алышат. Белгилей кетчү жагдай, аталган токтомдун кабыл алынышы менен 2007-жылдын 9-ноябрь айында “Жер участокторун үчүнчү тарапка ижарага берүүгө убактылуу тыюу чарасы жөнүндө” мэрия кабыл алган буйрук өз күчүн жоготту.(MSu)
