“Ак шумкар” партиясынын төрагасы Темир Сариев туруктуу экономикалык саясаттын жоктугунан өлкө азыркыдай экономикалык кризистерге тушугуп жатканын “Азаттыкка” берген маегинде билдирди. “Бүгүнкү өкмөттүн жасап жаткан иштерине баа берсек, менимче азыркы абал кандайлыгы тууралуу так түшүнүгү жок. Ал эмне себептен болуп жатканын да билишпейт. Үчүнчүдөн, жагдайдан чыгуунун кандай жолдору, варианттары бар, кайсыл жолду, кайсы багытты тандап алышыбыз керек, кандай негизде өсүшүбүз керек, деген саясаты жок”, - дейт Темир Сариев.(SM)
