Түркиянын Стамбул шаарында эки жерде орун алган жардыруудан бери дегенде 15 адам набыт болуп, дагы 150гө жакыны оор жараат алды. Бул тууралуу Стамбул шаарынын губернатору Муамер Гүлер билдирди. Губернатор бул окуяны террорчулук катары сыпаттады. Күбөлөрдүн айтымында, алгач биринчи жардыруудан жабыркагандарга тегеректеги адамдар жардам берүү үчүн чогулганда экинчи жардыруу болгон. Азырынча эч ким бул үчүн жоопкерчилик ала элек.
