Быйылкы жылга карата Жумгал районундагы Каракече көмүр кесиминде бир тонна көмүр үчүн сортторуна жараша 850 сомдон 950 сомго чейинки баа коюлду. Ал эми Акталаа райнундагы Турук кенинде бир тонна көмүр 1118 сомдон 1200 сомго чейин жеринде сатылмакчы. Мындай маалыматты Монополияга каршы саясат боюнча мамлекеттик агенттиктин Нарын облустук бөлүмүнүн жетекчиси Кеңешбек Чымылдаков билдирди. Натыйжада Нарын шаарына тартылып келинген бир тонна көмүр наркы автоунаа чыгымын кошкондо Каракеченики 3020, ал эми Туруктуку 3440 сомдон айланмакчы. Өткөн жылы болсо ташкөмүрдүн баасы Каракеченики 650, Туруктуку 580 сомдон айланган, дейт Кеңешбек Чымылдаков. (KUs)
