Ала-Бука районунда оорулуу малды союп алган Сейитбеков аттуу киши сибирь жарасы жугушу мүмкүн деген шек менен 28-июлда ооруканага жаткырылган. Анын үч шеригине оорунун алдын алуучу дары-дармектер берилүүдө. Медициналык 7 кызматкерден турган дарыгерлер тобу айыл калкынын ден-соолугуна көзөмөл салууда. Сузак райондук ооруканасына Барпы айыл өкмөтүнүн Жаныбеков жана Мунсуров аттуу эки киши күйдүргү илдетине чалдыгышы ыктымал деген диагноз менен жаткырылды. Аларда оорунун белгилери 26- жана 27-июлдарда пайда болгон. Буга дейре Сузак жана Ноокен райондорунда сибирь жарасын жуктургандыкта шектелип 39 адам кайрылып, 31 кишинин күйдүргү болгону аныкталган, бир киши оорудан көз жумган болчу. (YA)
18:28 Жалалабат облусунда күйдүргү илдетин жуктурду деп шектелген адамдар ооруканага жаткырылды
