Маданий күндөр ушул жылдын сентябрь айынын этегинде өткөрүлөт. “Азаттыкка” бул тууралуу Маданият жана маалымат министри Султан Раев кабарлады. Кыргызстандык жаш талант Омар (Өмүрбек Жанышов) жакында эле Латвиянын Юрмала шаарында “Жаш толкун-2008” аттуу эл аралык сынакка катышып, орусиялык белгилүү ырчы Алла Пугачеванын атайын сыйлыгына ээ болгон. Бул сынакка буга чейин Кыргызстандан өкүл катышкан эмес. Султан Раев учурда аталган министрлик жаш таланттарды колдоп жатканын, 31-августта Москвада Кыргызстандын эгемен күнүнө карата концерт коюлуп, ага беш жаш эстрада ырчысы катышаарын билдирди. (EBM)
