Бул тууралуу “Азаттыкка” билдирген “Ак шумкар” партиясынын төрагасы Темир Сариевдин айтымында, эгерде бийлик авторитардык башкарууну күчөтүп, коркутуп-үркүтүүнү уланта берсе кандайдыр бир күчтөр, алардын ичинде “Ак шумкар” партиясы нааразылык акцияларын уюштуруп, анын катышуучусу боло алат. “Бүгүнкү бийликке элдин ишеними жок. Жогорку Кеңеш, өкмөт, облус, район жетекчилерин, жергиликтүү бийликти жана сот бийлигин бир адам башкарып калды. Эч кандай мыйзам жок. Аларды кызматтан алам деген күнү алат, коем деген күнү кызматка коет”,-дейт Сариев. (AJ)
